Illusionary World Of A Backbencher: A "???glish" language fantasy comedy novel (Hindi Edition)

Avinash baahar ki duniya ke liye bhale hi bas ek 'Average Student'ho par uske man ke andar imagination aur creativity ka aisa samandar samaaya hai jiska logo ko andaaza hi nahi. 20 saal ka Avinash jiska Kota me rehte hue IIT MAINS ka exam hi clear nahi ho raha, wo ek shaam coaching institute se thak haar ke aakar apne bistar pe so jaata hai. Us raat wo apne 10 ghante ki neend ke khwaab me kuchh aisa imagine karta hai jiske wajah se hamesha hamesha ke liye uski zindagi ko ek nayi disha aur maksad mil jaati hai. To aisa kya dekha usne apne khwaab me? Wahi to ye kitaab ki kahaani hai. Avinash ke khwaab me hi zindagi ke har raaz aur hum sab ke jawaab chhupe hai. Waise ab aap padh hi rahe ho to ek baat bataana chaahta hoon. Avinash sirf ek ladka ya is kitaab ka character nahi.Avinash aap, mai aur hum sab hai.Hum sab last bench pe baithe class ya apni zindagi se bored ya khafa hai, par phir bhi har din attendance ke liye apna haath khada kar dete hai. Hum sab zindagi me koi aisa direction, passion aur goal dhund rahe hai jise jaan lene ke baad hamaari life track pe aajaaye. Ye kitaab aapko ye dhundne me zaroor madat karegi par bohot hi youthfull, light hearted, comical andaaz me. Dhanyavaad.

Author: Anubhav Choubey

Publisher: Notion Press

Publication Date: October 1, 2019

Number of Pages: 188 pages

Language: Hindi

Binding: Paperback

ISBN-10: 1646780019

ISBN-13: 9781646780013