Gruaja Me Qerpikë Të Gjelbër (Albanian Edition)

Të gjitha tregimet janë copëza jete të fotografuara artistikisht. Te tregimi "Kaktusi aguridh" lexon një subjekt që të kalon dhunshëm nga ngazëllimi në pikëllim. Ndoshta është ndër tregimet më të arrira të vëllimit. Një vajzë niset drejt ëndërrës së saj më të bukur, por ...Hasmi zbraz kallashnikovin mbi njerëzit e familjes së saj. Vret disa, por nuk pushkaton dot dashurinë e vërtetë. Mes radhëve të tregimet nuk e ke të vështirë të diktosh dhimbjen e vet autorit. I tërë vëllimi sikur ka kryepersonazh të tij vet autorin. Atë e gjen thuajse në tërë tregimet, teksa "lidhë" materialin letrar hedh me humor dhe herë edhe me dhimbje. Kapur mbas temave jo të rëndomta, shkrimtari Ilir Levonja merret me subjekte që kanë përthyerje idesh dhe përfundime të befta. Një vajzë (te tregimi "Letra dashurie") luan shumë sinqerisht vetveten! Sajon letra dashurie se gjoja ia dërgonte i dashuri! Dhe jeton gëzimin që të krijon një dashuri reale. Edhe pse frojdiste, tregimi tingëllon sa real, aq edhe i dhimbshëm. "Xhena ka (në fakt s'ka) një të dashur. Megjithatë, thotë autori, ajo ndihet mirë kur të tjerët e përflasin". Në dukje të pavërtetë, por këta personazhe jetojnë mes nesh. Dhimitër Shtëmbari

Author: Ilir Levonja

Publisher: Createspace Independent Publishing Platform

Publication Date: Sep 03, 2018

Number of Pages: 176 pages

Language: Albanian

Binding: Paperback

ISBN-10: 172649554X

ISBN-13: 9781726495547