Psiĥaj reagoj al Esperanto; Afazio; Letero al Leonard Orban; La rajto komuniki.

La fama Esperantisto, buŝtradukisto kaj psiĥologo Claude Piron prezentas ĉi tie du eseojn: "Psiĥaj reagoj al Esperanto" kaj "Afazio" el sia sperto kiel psiĥologo; krome leteron al Leonard Orban, la tiama membro de la Eŭropa Komisiono taskita pri multlingvismo (en Esperanto kaj en la franca) kaj resuman eseon pri la rajto komuniki, en kiu li konkludas per la alvoko:

"Niaj aŭtoritatoj ne rajtas resti pasivaj kaj inertaj fronte al la lingvaj problemoj. Ni havas la devon fari ĉion eblan por veki konscion pri la lingvoproblemo, pri ĝiaj multflankaj aspektoj, kaj pri la fakto, ke ekzistas al ĝi justa kaj racia solvo."