La plej belaj rakontoj pri hundoj

Elian-J. Finbert estis franclingva juda beletristo naskiĝinta en 1896, kiu pasigis sian infan- kaj junec-aĝon en Egiptio (en urbeto Minet-el-Gamh), poste vivis en Francio. Li fondis en Aleksandrio en 1925 kun Carlo Suar?s beletran revuon nomitan « Les messages d'Orient (La mesaĝoj el Oriento). Liaj eldonitaj libroj enspaciĝas de 1929 ĝis 1965. Li verkis multe da diverstemaj libroj pri siaj spertoj kiel kamelisto en Saharo, kiel paŝtisto en montaro de Pro­ven­co, pri Egiptio, pri turismado en Israelo, pri diversgentaj prover­boj, pri la vaguloj de parizaj stratoj (kies vivon li partoprenis por povi verki la libron « la malfacila sorto 1937). Sed la verkoj, kiuj plej igis lin fama kaj memorinda estas la libroj, kiujn de la jaro 1953 li konsistigis el eksterordinaraj, interesaj aŭ kortuŝaj rakontoj pri bestoj. Li ankaŭ tenis dum longaj jaroj vicojn da radio-elsendoj kaj kronikoj en revuoj (« La plej belaj okazaĵoj pri bestoj ), kiuj ne malmulte kontribuis famigi lin pri tiu temo.