Ishq ki Kitaab

'Ishk ki kitab' mere Jeevan ke sabse khoobsurat samay ka paravartan hai. Ismein kaed hain kuch aisi anubhutiyaan jinhein agar panno par utar n paati to zindagi bhar ka malaal reh jaata.

Yeh Kitaab khud ko azaad karne ki ek meethi si koshish hai, ise maine ishk mein aur ishk ke liye likha hai. Aasha karti hu, aap meri kavitaayien usi ishk se padhenge aur ye aapke Jeevan mein zaroor mithaas gholengi.

Mera likha ek bhi misra agar aapke chehre par muskaan la paaya, to soachungi ki is kitab ko likhna aur aazaad hona, dono hi safal hogaya.