Hikathawui vang Ain Mavaimana(Tangkhul Edition)

Varewui ain hi apong mati eina theipai. Chiya salu, masalu, mayonlu kala ot kaikha masalu kaji hina. Atamna thuimaman okathui hi makaphana pemamana. Hithada mikumona Varewui ain mamayonrar thumana. Thakha khi shokra! Old Testament atamli Israel miyur hi Moseswui Ain mamayon kharar eina kachot kachang kachungkha samphanga kaji ithumna thei.

Varena okathuili Jesu chihorada mikumoli ainwui khonshat eina ngatangkhuimi. Hithada morei makhalei Jesuna krushli thimi kala ali shitkasang bingla huimi. Jesu Christali khuikasang manga eina mikumona Mangla Katahrawui lemmet samkaphang tharan Varewui nao ngasai. Hithada athumna Mangla Katharawui atheila matheishapa.