Assan Si Batein / आसान सी बातें

Vyaktigat rup se mai pratibaddh sahitya me vishwas nahi karataa . Meri kavita sirf jivan ki mamuli baton ke prati pratibaddh hai.Isliye isme Chidiya, Ped, Adami, Prem, Taare, Bhukh, Udasi ka jikr aata rahataa hai.Likhata tab hun jab jab kavita mujh par 'utarati' hai. Koshis hoti hai ki shabd pravah dil se nikal kar kagaz par aaye, bina buddhi se uljhe. Bhasha ke bare me mera aagrah hai sukshm samvednayen aur jatil kathya bhi saral aur sahaj shabdon me abhivyakt hon.
Is sangrah me jyadatar vahi kavitaayen hain jo Vagarath, Sadaneera, Samkaleen Bharatiy Sahitya jaisi pratishthit patrikaon me prakashit hui hain.Kai kavitaayen ek sahityik twitter handle 'Posham pa' aur ek Hindi web site 'Hindw'i me bhi chhapi hain.